غـــاب اللي شقا بـــعمره لجــلنا يمَه ولغيــبته صاحـت قلوب مقهـوره
أحس القــلب من حــــزنه وقف يــمَه والكبد من رحــيل ابوي مفطـــوره
من البكاء جفت دموع العين يـايمه ومن القهر في وسط الحشا نار مسجوره
من لوعتي نفسي عافت الزاد يايمه وحزني في حنايا خـــافقي هاجت بحوره
فـجر ثالث ربيع اول رحل يمــه أبوي، لخـــالق الكون والروح مامـوره
فزت عيوني من لذيذ النـوم يــايمه يومها قالوا أصحي الحــال مخـطوره
(أبوك) رحل من عنا وقته وشقا همه لجنات الخـلد بها قصــور معمـــوره
رحل لجوار رب البيت مبري الذمـه ومـارحل عنــا ولــكن غابت الصــوره
بكيتـــه الــين العــين ذرفـت دمـه ومن عقبـه صـارت النفس مكســوره
وامي من عـناها تكف الدمع وتلمه وتـخفي بقلـــبها الـــحزن مجــبوره
في حـاته مـابه من النـاس قد ذمه وأفعـاله اللي بكل الخــير مذكـوره
نفسه عزيزه طيبه وأخلاق بالقمــــه ولاغـاب عن ربـعه الكل يسأل يزوره
يضحي لغـــيره بــسرور وبلا منــه ويخــفي حزنه بقـلبه ويظهر ســروره
أشهــد ان الموت حق عند الله ويتمه وكلنـا بنـتبـع دروبـه الــمأثـوره
عسى ماجــاه غــفران وبــرى ذمــه ومنزل بالـــفردوس مشعشع نـــوره
يــــالله عسى خــير، النـاس ملتمــه تدعي له بجنات الخـلد وقصــــوره
يارب تـــنزل الرحمـــات وتـعمه على قبره وتــجزيه سيئات معـــفوره
وصلاة ربي على ســيد الأمـــه شفيـــع النــــاس اللي يهــــتدى بنوره
وهذه قصيده اخرى كتبتها في فقدان وحزن غير طبيعي
الكم القصيده ولكنها غير موزنه بالقوافي
انا رجعت من السفر ودي ارضاك
لاكن سبقني القدر يوم جيتك
يبه انا ظايع بعد طرف عينك
جيتك وكلي امل في تقبيل يدينك
جيتك واسابق خطوتي يوم جيتك
يبه تركت القلب متولع فيك
يبه امانه وش اسوي بدونك
والله مالي في حياتي بدالك
لو العمر يشرى والله لشريك
عمرّّّّ طويل وعمر ماله نهايه
خذ العيون افداك والقلب يفديك
عمري وروحي بين يدك ويديك
يالله يعالم بكل المخاليق
ترحم ابوي اليوم يلله وتغفر لماضيه
الله يرحمه ويغفر له ويوسع مدخله
وينقيه من الخطايا كما ينقى الثوب الابيض من الدنس
آآآآآآمين يارب العالمين
الأربعاء أبريل 09, 2008 6:02 am